rana: రక్తపోటు తగ్గగానే ఆపరేషన్ చేయించుకుంటా: రానా

టాలీవుడ్ విలక్షణ నటుడు రానా కంటికి సంబంధించిన సమస్యతో బాధ పడుతున్న సంగతి తెలిసిందే. విదేశాల్లో ఆపరేషన్ చేయించుకోవడానికి రానా సిద్ధమయ్యాడు. టైమ్ కోసం ఎదురు చూస్తున్నామని ఆయన తండ్రి సురేష్ బాబు కూడా ఓ సందర్భంలో చెప్పారు.

తాజాగా ఈ అంశంపై రానా స్పందిస్తూ, తాను కిడ్నీ సమస్యతో బాధపడుతున్నానంటూ వార్తలు వస్తున్నాయని... ఆ వార్తల్లో నిజం లేదని చెప్పాడు. కంటికి సంబంధించిన సమస్యతో మాత్రమే తాను బాధ పడుతున్నానని... త్వరలోనే ఆపరేషన్ జరుగుతుందని తెలిపాడు. బీపీ ఎక్కువగా ఉండటంతో ఆపరేషన్ చేయించుకోవడం కుదరలేదని... రక్తపోటు తగ్గగానే ఆపరేషన్ చేయించుకుంటానని చెప్పాడు. ఆ తర్వాత కొన్ని రోజులు విశ్రాంతి తీసుకుంటే సరిపోతుందని తెలిపాడు.