chiranjeevi: చిరూ .. కొరటాల సినిమా నిర్మాణంలోను చరణ్!

చిరంజీవి 150వ సినిమా నుంచి చరణ్ సొంత బ్యానర్ ను స్థాపించి నిర్మాతగా మారిన సంగతి తెలిసిందే. ప్రస్తుతం చిరంజీవి కథానాయకుడిగా రూపొందుతోన్న 'సైరా' సినిమాకి కూడా చరణ్ నిర్మాతగా వ్యవహరిస్తున్నాడు. 200 కోట్ల రూపాయల బడ్జెట్ తో ఈ సినిమా నిర్మితమవుతోంది. ఈ సినిమా తరువాత కొరటాలతో కలిసి చిరంజీవి సెట్స్ పైకి వెళ్లనున్నారు. మైత్రీ మూవీ మేకర్స్ వారు ఈ సినిమాను నిర్మిస్తున్నట్టుగా వార్తలు వచ్చాయి. అయితే ఈ సినిమా నిర్మాణంలోను చరణ్ భాగస్వామ్యం ఉందనేది తాజా సమాచారం. మైత్రీ మూవీ మేకర్స్ .. చరణ్ ఈ సినిమాను సంయుక్తంగా నిర్మిస్తున్నారట. ఈ సినిమాలో చిరంజీవి రైతుగాను .. బిలియనీర్ గాను ద్విపాత్రాభినయం చేయనుండటం విశేషం. ప్రస్తుతం ఈ సినిమా స్క్రిప్ట్ ను పక్కాగా తయారు చేసుకునే పనిలో కొరటాల వున్నాడు. ఈ సినిమాలో కథానాయికలుగా ఎవరికి ఛాన్స్ దొరకనుందనేది ఆసక్తికరంగా మారింది.