paruchuri gopalakrishna: రోజాతో అన్నట్టుగానే ఆమెకి నా గోల్డ్ రింగ్ ఇచ్చేశాను!: పరుచూరి గోపాలకృష్ణ

తాజాగా 'పరుచూరి పలుకులు' కార్యక్రమంలో పరుచూరి గోపాలకృష్ణ మాట్లాడుతూ, తాను దర్శకత్వం వహించిన 'సర్పయాగం' సినిమా విశేషాలను గురించి ప్రస్తావించారు. "సర్పయాగం సినిమా కోసం రోజాను తీసుకున్నప్పుడు ఆ అమ్మాయి ప్రత్యేకత ఏమిటని రామానాయుడుగారు అడిగారు. ఆ అమ్మాయి ఎప్పుడైనా నవ్వినప్పుడు చూడండి సార్ .. ఆ నవ్వులో మన తెలుగింటి ఆడపడచు ఆత్మీయత వుంది అని చెప్పాను.

ఆ సినిమా షూటింగ్ సమయంలో రోజా నన్ను 'డాడీ' అని పిలిచేది. అప్పట్లో నా చిటికెన వ్రేలుకి ఒక గోల్డ్ రింగ్ ఉండేది. ఒకసారి రోజా 'డాడీ .. ఈ సినిమా 100 రోజులు ఆడితే నాకు ఈ ఉంగరం ఇచ్చేస్తావా?' అని అడిగింది. 'నీ నోటి మాట వలన నిజంగా 100 రోజులు ఆడితే ఆ ఫంక్షన్లోనే ఇచ్చేస్తానమ్మా' అన్నాను నేను. ఆ సినిమా 100 రోజులు ఆడింది .. ఆ ఫంక్షన్లో 'ఇదిగోనమ్మా నువ్వు అడిగిన ఉంగరం అని చెప్పేసి ఇచ్చేశాను' అని చెప్పుకొచ్చారు.