Chandrababu: రేపు ఉదయం బెంగుళూరుకు వెళ్తున్న చంద్రబాబు.. రాహుల్ తో వేదిక పంచుకుంటారా?

ఏపీ ముఖ్యమంత్రి చంద్రబాబు రేపు ఉదయం బెంగుళూరుకు వెళ్తున్నారు. కర్ణాటక ముఖ్యమంత్రిగా కుమారస్వామి ప్రమాణస్వీకార కార్యక్రమానికి ఆయన హాజరుకానున్నారు. విజయవాడ నుంచి బెంగళూరుకు విమానంలో వెళ్తున్న ఆయన... రేపు రాత్రి మళ్లీ తిరిగివస్తారు.

ఈ కార్యక్రమానికి దేశంలోని పలు ప్రాంతీయ పార్టీల అధినేతలు హాజరుకానున్నారు. ముఖ్యంగా కాంగ్రెస్ అధ్యక్షుడు రాహుల్ గాంధీ కూడా ఈ కార్యక్రమానికి హాజరవుతున్నారు. దీంతో, వీరిద్దరూ ఒకే వేదికను పంచుకోబోతుండటం ఆసక్తికరంగా మారింది. మరోవైపు తెలంగాణ ముఖ్యమంత్రి కేసీఆర్ ఈ సాయంత్రం బెంగళూరుకు వెళ్లి, మళ్లీ రాత్రికి హైదరాబాదుకు తిరిగిరానున్నారు.