Anupama: సినిమా కబుర్లు.. సంక్షిప్త సమాచారం!

*  తనకు తెలుగులోనే మంచి ఆఫర్లు వస్తున్నాయని అంటోంది కథానాయిక అనుపమ పరమేశ్వరన్. 'మలయాళం, తమిళంలో కూడా చేస్తున్నప్పటికీ, తెలుగు నుంచే నాకు మంచి ఆఫర్లు వస్తున్నాయి. ప్రతి పాత్ర కొత్తగా ఉంటోంది. అందుకే తెలుగుకే ప్రాధాన్యతనిస్తున్నాను' అని చెప్పింది అనుపమ.
*  అక్కినేని నాగార్జున మలయాళంలో ఓ చిత్రం చేసే అవకాశం కనిపిస్తోంది. మోహన్ లాల్ హీరోగా ప్రియదర్శన్ దర్శకత్వంలో రూపొందుతున్న 'మరక్కార్' పిరీడ్ మూవీలో ఓ కీలక పాత్రకు నాగార్జునను సంప్రదిస్తున్నట్టు తాజా సమాచారం. ఇందులో బాలీవుడ్ నటుడు సునీల్ శెట్టి ఓ ముఖ్య పాత్రను పోషిస్తున్నాడు.
*  రామ్ చరణ్, బోయపాటి శ్రీను కాంబినేషన్లో రూపొందుతున్న భారీ చిత్రం తాజా షెడ్యూల్ షూటింగ్ ముగిసింది. ఈ షెడ్యూల్ లో కొన్ని సీన్స్ తో పాటు చరణ్, ఫైటర్స్ పై ఓ యాక్షన్ ఎపిసోడ్ ను కూడా చిత్రీకరించారు.  
*  అక్కినేని నాగచైతన్య హీరోగా చందు మొండేటి దర్శకత్వంలో రూపొందుతున్న 'సవ్యసాచి' చిత్రం షూటింగ్ నిన్న న్యూయార్క్ లో మొదలైంది. చైతూ, వెన్నెల కిషోర్, షకలక శంకర్ తదితరులపై ప్రస్తుతం సన్నివేశాలను చిత్రీకరిస్తున్నారు. ఇందులో నిధి అగర్వాల్ హీరోయిన్ గా నటిస్తోంది.