prabhas: 'సాహో' కోసం భారీ ఛేజింగ్ సీన్ .. రిస్క్ చేస్తోన్న ప్రభాస్

ప్రభాస్ నటిస్తున్న 'సాహో' సినిమా కోసం 'అబుదాబి'లో మేజర్ షెడ్యూల్ ను ప్లాన్ చేశారు. కొన్ని రోజులుగా అక్కడ యాక్షన్ సన్నివేశాలను చిత్రీకరిస్తున్నారు. సహజత్వం కోసం ప్రభాస్ రిస్క్ చేస్తున్నాడని అంటున్నారు. ఈ రోజు నుంచి కారు ఛేజింగ్ సీన్స్ ను చిత్రీకరిస్తున్నారు. ఇందుకోసం భారీ ఎత్తున ఖర్చు చేస్తూ యుఎస్ ఎ నుంచి కొన్ని కార్లను తెప్పించినట్టు సమాచారం.

ప్రభాస్ .. తదితరులపై చిత్రీకరించే ఈ కార్ల ఛేజింగ్ సీన్, ఈ సినిమా హైలైట్స్ లో ఒకటిగా నిలుస్తుందని చెబుతున్నారు. ఒళ్లు గగుర్పొడిచే ఈ సన్నివేశాలను హాలీవుడ్ స్టంట్ మాస్టర్ కెన్నీ బేట్స్ డిజైన్ చేశాడు. హాలీవుడ్ స్థాయిలో రూపొందుతోన్న ఈ సినిమాకి, శ్రద్ధా కపూర్ గ్లామర్ ప్రత్యేక ఆకర్షణ కానుంది.