perole: 'పెళ్లి చేసుకుంటా.. ఓ సారి బయటకు పంపండి' అంటూ అబూ సలేం పిటిషన్!

1993 ముంబై బాంబు పేలుళ్ల కేసు నిందితుడైన అబూ సలేం పెరోల్ కోసం పెట్టుకున్న దరఖాస్తును నవీ ముంబై పోలీసు కమిషనర్ తిరస్కరించారు. ముంబ్రా ప్రాంతానికి చెందిన 27 ఏళ్ల కౌసర్ బాహర్ ను నిఖా చేసుకోవాల్సి ఉందని, 45 రోజుల పెరోల్ మంజూరు చేయాలని అబూ సలేం కోరాడు. మే 5న పెళ్లి ముహూర్తం కూడా పెట్టుకున్నాడు. ఆమెను తాను ఫోన్లో పెళ్లి చేసుకున్నానంటూ అబూ సలేం గతంలో ప్రకటన చేశాడు.

దీంతో తనను వివాహం చేసుకునేందుకు ఎవరూ ముందుకు రావడం లేదని, అబూ సలేంను పెళ్లి చేసుకోవడం మినహా తనకు మరో మార్గం లేదని కౌసర్ బాహర్ వాపోయింది. సలేంను పెళ్లి చేసుకునేందుకు అనుమతించకపోతే ఆత్మహత్య చేసుకుంటానని కూడా ఆమె బెదిరించింది. నిజానికి ఈమెను పెళ్లి చేసుకునేందుకు అనుమతి కోరుతూ అబూ సలేం గతంలోనూ పలు మార్లు అనుమతి కోరినప్పటికీ ఫలితం లభించలేదు. అబూ సలేం గతంలో నటి మోనికాబేడీ, సమీరా జుమానీ అనే ఇద్దరిని కూడా పెళ్లి చేసుకుని వారికి దూరమయ్యాడు.