harshavardhan: ఆ కాస్ట్యూమర్ కి నాపై కోపం వచ్చింది .. 'గుర్తుపెట్టుకుంటా' అంటూ బెదిరించాడు: నటుడు హర్షవర్ధన్

పూరీ జగన్నాథ్ సీరియల్ చేస్తోన్న సమయంలో జరిగిన ఒక సంఘటన గురించి, తాజాగా ఐ డ్రీమ్స్ ఇంటర్వ్యూలో హర్షవర్ధన్ ప్రస్తావించాడు. "ఈ సీరియల్ కి సంబంధించి నేను వేసుకున్న పైజామా టైట్ అయింది .. 'అన్నా కాస్త పెద్ద సైజ్ ఇస్తావా?' అని కాస్ట్యూమర్ ను అడిగాను. 'వేరేవి లేవు .. ఇవే వున్నాయ్' అంటూ కేర్ లెస్ గా చెప్పాడతను.

అదే విషయం పూరికి చెప్పాను .. దాంతో ఆయన 'ఇందాక ఒక ఆర్టిస్ట్ కోసం అనుకున్నాం కదా .. ఆ ఫైజమా ఇచ్చేయ్, అది ఇతనికి సరిపోతుంది' అని ఆ కాస్ట్యూమర్ తో అన్నాడు. ముందుగా ఆ పని చేయకపోవడం గురించి ఆ కాస్ట్యూమర్ కి చీవాట్లు పెట్టాడు. కోపంతోనే కాస్ట్యూమర్ నా డ్రెస్ మార్చాడు. 'ఇంత గొడవ జరుగుతుందని అనుకోలేదు .. ఏమీ అనుకోకన్నా' అన్నాను. ' గుర్తు పెట్టుకుంటా .. గుర్తుపెట్టుకుంటా' అని కోపంతో అన్నాడు. అతనలా అనగానే నాకు కోపం వచ్చేసింది .. 'అన్నా నీకో విషయం తెలుసా .. గుర్తుపెట్టుకోవడానికి నువ్వు అంత కష్టపడాల్సిన అవసరం లేదు .. నేను ఏం చేసినా గుర్తుండిపోయేలా చేస్తా' నంటూ నా దైన స్టైల్లో చెప్పాను అన్నాడు.