tammareddy: ఇండస్ట్రీ అంత ఘోరంగా ఉంటే హీరోయిన్లను హీరోలు ఎందుకు పెళ్లి చేసుకుంటారు?: తమ్మారెడ్డి

సినీ పరిశ్రమ అంటే ప్రతి ఒక్కరికీ అలుసైపోయిందని... నీచంగా మాట్లాడుతున్నారని సినీ నిర్మాత, దర్శకుడు తమ్మారెడ్డి భరద్వాజ ఆవేదన వ్యక్తం చేశారు. వాస్తవానికి ఇండస్ట్రీ చాలా బాగుంటుందని చెప్పారు. సినీ పరిశ్రమ నీచంగా ఉంటే... మోహన్ బాబు కుమార్తె, నాగబాబు కుమార్తె, అక్కినేని నాగేశ్వరరావు మనవరాలు, రాజమౌళి కుటుంబంలోని మహిళలు వీరంతా ఇండస్ట్రీలోకి ఎందుకు వస్తారని ప్రశ్నించారు.

అందరూ మాట్లాడుతున్నట్టు ఇండస్ట్రీ చెత్తగా ఉంటే... హీరోయిన్లను హీరోలు ఎందుకు పెళ్లి చేసుకుంటారని అన్నారు. ఇండస్ట్రీ బాగుంది కాబట్టే... హీరోహీరోయిన్లు పెళ్లి చేసుకుంటారని చెప్పారు. వేధింపులకు సంబంధించి పోలీస్ స్టేషన్ కు వెళ్లాలని సూచించిన పవన్ కల్యాణ్ ను శ్రీరెడ్డి ఎందుకు తప్పుబడుతోందో అర్థం కావడం లేదని అన్నారు. క్యాష్ కమిటీ పారదర్శకంగా ఉండేలా చర్యలు తీసుకుంటామని చెప్పారు. రెండు, మూడు రోజుల్లో పేర్లను ప్రకటిస్తామని తెలిపారు.