disha patani: శ్రుతి హాసన్ తో గొడవేంటని నేను అడగలేదు: దిశా పటాని

తెలుగు తెరకి 'లోఫర్' చిత్రం ద్వారా 'దిశా పటాని' పరిచయమైంది. ఈ సినిమా సక్సెస్ కాకపోవడంతో ఈ సుందరికి ఇక్కడ అవకాశాలు రాలేదు. దాంతో హిందీ సినిమాలపైనే ఎక్కువగా దృష్టి పెట్టింది. ఈ నేపథ్యంలోనే తమిళం నుంచి ఒక ఆఫర్ ఆమెను వెతుక్కుంటూ వెళ్లింది. సుందర్. సి దర్శకత్వంలో 'సంఘమిత్ర' సినిమా చేయడానికి ఆమె అంగీకరించింది.

 శ్రుతి హాసన్ ను రీ ప్లేస్ చేశారు .. ఎలా అనిపిస్తోంది? అనే ప్రశ్న ఆమెకి మీడియా ద్వారా ఎదురైంది. అందుకామె అసహనానికి లోనవుతూ "శ్రుతి హాసన్ నా కన్నా సీనియర్ .. ఆమెను రీ ప్లేస్ చేయడానికి నేను ఎవరిని ?" అంటూ దిశా ఎదురు ప్రశ్న వేసింది. శృతితో పోల్చుకుంటే నేను చేసిన సినిమాలు తక్కువ. ఈ సినిమాలో ప్రధానమైన పాత్ర కోసం నన్ను సంప్రదించారు .. నేను ఓకే చెప్పాను. అంతకుముందు శృతికి .. యూనిట్ కి మధ్య ఏం జరిగిందో నాకు తెలియదు .. తెలుసుకోవడానికి నేను ప్రయత్నించలేదు. ఆ సంగతులు తెలుసుకోవాలంటే డైరెక్టర్ ను కలవండి" అంటూ తేల్చి చెప్పేసిందట.