nani: 'ఛలో' మూవీ నానీకి నచ్చేసింది .. ఆయన కోసం కథ రెడీ చేస్తోన్న వెంకీ కుడుముల

ఇటీవల వచ్చిన 'ఛలో' సినిమా భారీ విజయాన్ని సాధించింది. వెంకీ కుడుముల దర్శకత్వం వహించిన ఈ సినిమా, నాగశౌర్య కెరియర్లోనే భారీ వసూళ్లను సాధించింది. ఈ సినిమా నానికి కూడా బాగా నచ్చేసిందట. యూత్ కి కావలసిన కంటెంట్ ను ఎంచుకుని దానిని కనెక్ట్ చేసినతీరు కరెక్ట్ గా ఉందనే అభిప్రాయాన్ని ఆయన వ్యక్తం చేసినట్టు సమాచారం.

ఈ నేపథ్యంలో నానితో సినిమా చేయాలనే ఉద్దేశంతో వెంకీ కుడుముల వున్నాడట. నాని క్రేజ్ కి తగిన కథను సిద్ధం చేసుకుని, ఆయనకి వినిపించడానికి సిద్ధమవుతున్నాడని అంటున్నారు. ఈ కాంబినేషన్లో సినిమా చేయడానికి సితార ఎంటర్టైన్మెంట్స్ వారు ఆసక్తిని చూపుతున్నారని చెబుతున్నారు. ఇప్పటికే నాని చేతిలో రెండు మూడు ప్రాజెక్టులు వున్నాయి. వెంకీ కుడుములతో సినిమాకి నాని ఏమంటాడో చూడాలి మరి.