mumbai: శ్రీదేవి భౌతికకాయం కుటుంబ సభ్యులకు అప్పగింత.. ముంబయిలోని ఇంటివద్ద భారీగా భద్రత!

దుబాయ్‌లోని ఓ హోటల్‌లో మృతి చెందిన సినీనటి శ్రీదేవి భౌతిక కాయానికి ఎంబామింగ్ ప్రక్రియ ముగిసింది. ఆమె బంధువులకు భౌతికకాయాన్ని అప్పగించారు. దీంతో శ్రీదేవి భౌతికకాయాన్ని దుబాయ్‌ ఎయిర్‌పోర్ట్‌కు తీసుకెళుతున్నారు. ప్రత్యేక ఛార్టర్డ్‌ విమానంలో ఆమె భౌతికకాయాన్ని తరలిస్తున్నారు. ఈ రోజు రాత్రి 10 గంటల తర్వాత ఆమె భౌతికకాయం ముంబయి చేరుకుంటుంది.

ఈ నేపథ్యంలో తమ అభిమాన తారకి కడసారి వీడ్కోలు పలికేందుకు ముంబయిలోని ఆమె నివాసం వద్దకు అభిమానులు భారీగా చేరుకున్నారు. శ్రీదేవి ఇద్దరు కుమార్తెలు జాహ్నవి కపూర్, ఖుషికపూర్‌ ఇంటి వద్దే ఉన్నారు. రేపు పవన్‌హాన్స్‌ శ్మశానవాటికలో ఆమె అంత్యక్రియలు నిర్వహిస్తారు.