Kamal Haasan: కమలహాసన్ 'భారతీయుడు-2'లో కీలక పాత్రలో అజయ్‌ దేవగణ్‌‌?

కమలహాసన్ కథానాయకుడుగా ఇరవై రెండేళ్ల క్రితం వచ్చిన 'భారతీయుడు' సినిమా ఒక సంచలనం సృష్టించింది. అవినీతిపై ఒక భారతీయుడు సాగించిన పోరాటంగా రూపొందిన ఆ చిత్రం భారీ విజయాన్ని నమోదు చేసింది. ఇన్నేళ్ల తర్వాత దీనికి సీక్వెల్ చేస్తున్నట్టు ఇటీవలే ప్రకటించారు. ఈ సినిమా ప్రీ ప్రొడక్షన్ పనులు ప్రారంభమయ్యాయి.

ఈ సీక్వెల్ లో కమల్ సరసన నయనతార నటించనుండగా, మరో కీలక పాత్రలో అజయ్ దేవగణ్ ను దర్శకుడు శంకర్ ఎంచుకున్నట్టు తెలుస్తోంది. ఇప్పటికే శంకర్ ఈ సినిమా కథను అజయ్ కి వినిపించారని, దీంతో నటించేందుకు ఆయన ఆసక్తి చూపారని కోలీవుడ్ కథనం. దీనికి సంబంధించిన పూర్తి వివరాలు త్వరలో వెల్లడించనున్నట్టు సమాచారం.