rajani: రజనీ కోసం కార్తీక్ సుబ్బరాజ్ రెడీ చేసిన కథపైనే అందరి చూపు!

రజనీకాంత్ ఇక తన పూర్తి సమయాన్ని రాజకీయాలకే కేటాయిస్తారని అంతా అనుకుంటూ ఉండగా, సన్ పిక్చర్స్ బ్యానర్ పై ఒక సినిమా చేయడానికి ఆయన అంగీకరించడం అందరికీ ఆశ్చర్యాన్ని కలిగించింది. ఈ సినిమాకి దర్శకుడు కార్తీక్ సుబ్బరాజ్ అని తెలిసి మరింతగా ఆశ్చర్యపోయారు.

ఎంతోమంది సీనియర్ దర్శకులు రజనీ గ్రీన్ సిగ్నల్ కోసం వెయిట్ చేస్తుండగా, ఆయన కార్తీక్ సుబ్బరాజ్ ప్రాజెక్టును ఓకే చేయడంతో, ఆ కథ ప్రత్యేకత ఏమై ఉంటుందా అనే ఆసక్తి తలెత్తుతోంది. 'కబాలి' .. 'కాలా' మాదిరిగా ఈ సినిమాలో మరీ స్టైలీష్ గా రజనీకాంత్ కనిపించడనేది తాజా సమాచారం. కథా కథనాలు కొత్తగా .. బలంగా వుంటాయని మాత్రం తెలుస్తోంది. ఈ కారణంగానే రజనీ ఈ ప్రాజెక్టు చేయడానికి అంగీకరించాడని అంటున్నారు. కళానిధి మారన్ నిర్మిస్తోన్న ఈ సినిమా, త్వరలోనే సెట్స్ పైకి వెళ్లనుందనీ .. ఈ ఏడాది చివరినాటికి షూటింగును పూర్తి చేసుకుంటుందని చెబుతున్నారు.