srikanth: శ్రీకాంత్ రెండవ తనయుడు కూడా ఎంట్రీ ఇచ్చేస్తున్నాడు!

తెలుగు తెరపై హీరోగా శ్రీకాంత్ కి ప్రత్యేకమైన గుర్తింపు వుంది. ఆయన శ్రీమతి 'ఊహ' కూడా వివాహానికి ముందు కొన్ని సినిమాల్లో కథానాయికగా నటించారు. ఆ తరువాత నుంచి ఆమె సినిమాలకి దూరంగా ఉంటూ వచ్చారు. ఈ మధ్యనే శ్రీకాంత్ పెద్ద కుమారుడు 'రోషన్' కథానాయకుడిగా 'నిర్మలా కాన్వెంట్' చిత్రం ప్రేక్షకుల ముందుకు వచ్చింది. లుక్స్ పరంగా ఈ కుర్రాడు మంచి మార్కులు కొట్టేశాడు.

రోషన్ తో పాటు 'రుద్రమదేవి' సినిమాలో శ్రీకాంత్ కూతురు 'మేథ' కూడా కనిపించింది. ఇక శ్రీకాంత్ రెండవ తనయుడు 'రోహన్' కూడా వెండితెరకి పరిచయమవుతున్నాడు. ప్యాషన్ క్రియేషన్స్ బ్యానర్ పై ఆకాశ్ దర్శకత్వంలో ఒక సినిమా రూపొందుతోంది. తెలుగుతోపాటు తమిళ .. హిందీ భాషల్లో ఈ సినిమా నిర్మితమవుతోంది. ప్రభుదేవా ప్రధానమైన పాత్రను పోషిస్తోన్న ఈ సినిమాలో, ఒక ముఖ్యమైన పాత్ర కోసం 'రోహన్'ను తీసుకున్నారు. ఇటీవలే ఈ సినిమా ఊటీలో ఫస్టు షెడ్యూల్ ను పూర్తి చేసుకుంది. విభిన్నమైన కంటెంట్ తో రూపొందుతోన్న ఈ సినిమాతో రోహన్ ఎన్ని మార్కులు కొట్టేస్తాడో చూడాలి మరి!