Rashmi: సినిమా కబుర్లు.. సంక్షిప్త సమాచారం!

*  ఆమధ్య వచ్చిన వచ్చిన 'గుంటూర్ టాకీస్ చిత్రంలో హాట్ సన్నివేశాలలో నటించిన టీవీ యాంకర్ రష్మి.. 'గుంటూర్ టాకీస్ 2' చిత్రంలో నటించడానికి కూడా తాను రెడీ అని ప్రకటించింది. అయితే, ప్రవీణ్ సత్తారు దర్శకత్వం వహిస్తేనే తాను నటిస్తానని పేర్కొంది.
*  నందమూరి కల్యాణ్ రాం, తమన్నా జంటగా రూపొందుతున్న 'నా నువ్వే' చిత్రం కోసం హీరో ఇంట్రడక్షన్ సాంగును ప్రస్తుతం హైదరాబాదులో చిత్రీకరిస్తున్నారు. షూటింగ్ మొత్తం మరో మూడు రోజుల్లో పూర్తికానుంది. ఇప్పటికే తమన్నా ఈ చిత్రం షూటింగ్ పూర్తిచేసింది. జయేంద్ర దర్శకత్వంలో ఈ చిత్రం రూపొందుతోంది.
*  నాగశౌర్య హీరోగా రూపొందిన 'ఛలో' చిత్రం ఇటీవల విడుదలై బాక్సాఫీసు వద్ద సక్సెస్ అయిన సంగతి విదితమే. ఈ చిత్రం ఇప్పటికే ఆరు కోట్లకు పైగా వసూలు చేయడంతో చిత్ర నిర్మాతలు మంచి లాభాల్లో వున్నట్టు చెబుతున్నారు.
*  రజనీకాంత్ హీరోగా రంజిత్ దర్శకత్వంలో రూపొందుతున్న 'కాలా' చిత్రాన్ని ఏప్రిల్ 14న రిలీజ్ చేయనున్నట్టు తెలుస్తోంది. శంకర్ దర్శకత్వంలో రూపొందుతున్న రోబో సీక్వెల్ '2.O' నిర్మాణానికి సంబంధించిన గ్రాఫిక్ పనులు ఆలస్యం అవుతుండడంతో ముందుగా 'కాలా'ను రిలీజ్ చేయాలని నిర్ణయించారట.