ap7am logo

సరికొత్త రికార్డును సృష్టించిన పొలార్డ్

Thu, Jan 25, 2018, 04:04 PM
  • టీ20ల్లో 400కు పైగా మ్యాచ్ లు ఆడిన ఏకైక క్రికెటర్
  • 7,853 పరుగులు, 274 వికెట్లు
  • తర్వాతి స్థానంలో బ్రావో
వెస్టిండీస్ క్రికెటర్ పొలార్డ్ టీ20 ఫార్మాట్ లో సరికొత్త రికార్డును నెలకొల్పాడు. ఈ ఫార్మాట్ లో 400కు పైగా మ్యాచ్ లను ఆడిన ఏకైక క్రికెటర్ గా ఘనత వహించాడు. ఆస్ట్రేలియాలో జరుగుతున్న బిగ్ బాష్ లీగ్ లో మెల్ బోర్న్ రెనిగేడ్స్ కు పొలార్డ్ ప్రాతినిధ్యం వహిస్తున్నాడు. నిన్న సిడ్నీ థండర్స్ తో జరిగిన మ్యాచ్ ద్వారా తన కెరీర్ లో 401వ టీ20ను పొలార్డ్ ఆడాడు.

పొలార్డ్ తర్వాతి స్థానంలో బ్రావో (372 మ్యాచ్ లు), క్రిస్ గేల్ (323) ఉన్నారు. 401 టీ20 మ్యాచ్ లలో 361 ఇన్నింగ్స్ లో 7,853 పరుగులను పొలార్డ్ సాధించాడు. బౌలర్ గా 274 ఇన్నింగ్స్ లలో 245 వికెట్లను తన ఖాతాలో వేసుకున్నాడు. టీ20లకు సంబంధించి ముంబై ఇండియన్స్, కేప్ కోబ్రాస్, బార్బడోస్ ట్రైడెంట్స్ అండ్ ట్రినిడాడ్ టోబాగో, ఢాకా డైనమైట్స్, ఢాకా గ్లాడియేటర్స్, కరాచీ కింగ్స్, మెల్ బోర్న్ రెనిగేడ్స్, సోమర్ సెట్ అండ్ సౌత్ ఆస్ట్రేలియా జట్లకు పొలార్డ్ టీ20లు ఆడుతున్నాడు.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad