nitish kumar: జడ్ ప్లస్ కేటగిరీ భద్రత కిందకు బీహార్ ముఖ్యమంత్రి నితీష్ కుమార్

బీహార్ ముఖ్యమంత్రి నితీష్ కుమార్ కు కేంద్ర ప్రభుత్వం జడ్ ప్లస్ కేటగిరీ సెక్యూరిటీని కల్పించింది. రాష్ట్ర ప్రభుత్వ అభ్యర్థన, ఇంటెలిజెన్స్ బ్యూరో చేసిన సెక్యూరిటీ ఆడిట్ అనంతరం కేంద్రం ఈ నిర్ణయం తీసుకుంది. ఈ భద్రత కింద నితీష్ కు 35 నుంచి 40 మంది సాయుధ కమెండోలు రక్షణ కల్పిస్తారు. ఎప్పుడూ ఎస్కార్ట్ వాహనాలు ఉంటాయి. ఇటీవల నితీష్ ఓ కార్యక్రమానికి హాజరైనప్పుడు ఆయన కాన్వాయ్ పై దాడి జరిగింది. దీంతో, ఆయనకు భద్రత పెంచాలనే నిర్ణయాన్ని తీసుకున్నారు. సెంట్రల్ సెక్యూరిటీ ఏజెన్సీతో కేంద్ర హోం శాఖ సంప్రదింపులు జరిపిన అనంతరం ఈ స్థాయి భద్రతను కల్పిస్తున్న వారి జాబితాలో నితీష్ ను చేర్చారు.