ap7am logo

బీహార్ సీఎం కాన్వాయ్‌పై రాళ్ల దాడి.. సురక్షితంగా తప్పించుకున్న నితీశ్!

Fri, Jan 12, 2018, 06:31 PM
  • బీహార్‌ బక్సర్‌ జిల్లాలోని నందన్‌ ప్రాంతంలో ఘటన
  • భద్రతా సిబ్బందికి గాయాలు
  • నా నిబద్ధత న‌చ్చ‌ని వారు ఇలా దాడులు చేస్తున్నారు-నితీశ్ కుమార్
  • నేను మారుమూల గ్రామాల్లోనూ పర్యటిస్తాను..
బీహార్ సీఎం నితీశ్‌ కుమార్‌ కాన్వాయ్‌పై గుర్తు తెలియని వ్యక్తులు రాళ్లు విస‌ర‌డం క‌ల‌క‌లం రేపింది. ఈ ఘ‌ట‌న‌లో కాన్వాయ్‌లోని భద్రతా సిబ్బందికి గాయాల‌య్యాయి. బీహార్‌ బక్సర్‌ జిల్లాలోని నందన్‌ ప్రాంతంలో ఆయ‌న‌ పర్యటిస్తోన్న స‌మ‌యంలో ఈ దాడి జ‌రిగింది. ఈ ఘ‌ట‌న‌లో ముఖ్యమంత్రికి ఎలాంటి గాయాలు కాలేదు.

త‌న‌పై చేసిన ఈ దాడి ప్ర‌య‌త్నంపై నితీశ్ కుమార్ మాట్లాడుతూ... బీహార్ అభివృద్ధి విషయంలో తన నిబద్ధత న‌చ్చ‌ని వారు ఇలా దాడులు చేస్తూ ప్రజలను తప్పుదోవ పట్టిస్తున్నారని అన్నారు. ఈ దాడి ఎవ‌రి ప‌నో త‌న‌కు తెలియ‌ద‌ని చెప్పారు. తాను రాష్ట్ర రాజధానిలో కూర్చొని ప్రజలను పాలించబోన‌ని, మారుమూల గ్రామాల్లోనూ పర్యటించి అక్కడి ప్రజలకు మౌలిక సదుపాయాలు కల్పించే దిశగా కృషి చేస్తాన‌ని, తనను ఎవరూ ఆపలేరని స్పష్టం చేశారు.   
X

Feedback Form

I agree to Terms of Service & Privacy Policy
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
GarudaVega Banner Ad
Latest Video News..
Advertisement