sundeep kishan: 'మనసుకు నచ్చింది' .. రిలీజ్ కి ముహూర్తం కుదిరింది

తెలుగు .. తమిళ భాషల్లో వైవిధ్యభరితమైన కథలను .. పాత్రలను ఎంపిక చేసుకుంటూ, సందీప్ కిషన్ తన ప్రత్యేకతను చాటుకుంటున్నాడు. ప్రస్తుతం ఆయన మహేశ్ సోదరి మంజుల దర్శకత్వంలో 'మనసుకు నచ్చింది' సినిమా చేశాడు. ఈ సినిమా పోస్ట్ ప్రొడక్షన్ పనులు చివరిదశకు చేరుకున్నాయి. ఈ నెల 26వ తేదీన ఈ సినిమాను భారీస్థాయిలో ప్రేక్షకుల ముందుకు తీసుకురానున్నారు.

అమైరా దస్తూర్ కథానాయికగా నటించిన ఈ సినిమాలో, త్రిదా చౌదరి కీలకమైన పాత్రను పోషించింది. యూత్ కి కనెక్ట్ అయ్యే ప్రేమకథాంశంతో ఈ సినిమా తెరకెక్కింది. ఈ సినిమాలో మంజుల కూతురు కూడా ఓ ముఖ్యమైన పాత్రలో కనిపించనుండటం విశేషం. మాస్ ఆడియన్స్ మనసు దోచుకున్న సందీప్ కిషన్, ఈ సినిమాతో యూత్ నుంచి ఎన్ని మార్కులు దక్కించుకుంటాడో. దర్శకురాలిగా మంజులకు ఈ సినిమా సక్సెస్ ను ఇస్తుందేమో చూడాలి.