పవన్-కేసీఆర్ భేటీ.. చరిత్రను తిరగేసిన వర్మ!

- కేసీఆర్ను కలిసిన పవన్ కల్యాణ్
- గత చరిత్రను తవ్వి తీసిన వర్మ
- అవసరం మనుషులను మార్చేస్తుందంటూ సెటైర్
యథావిధిగా వీరి భేటీ దర్శకుడు రాంగోపాల్ వర్మ కంట్లో పడింది. ఇంకేముంది, తనదైన స్టయిల్లో పోస్ట్ చేసి కాకరేపాడు. గత చరిత్రను తిరగేశాడు. పవన్ గతంలో ఓ సభలో చేసిన వ్యాఖ్యలను.. పవన్పై కేసీఆర్ వేసిన సెటైర్లను గుర్తు చేస్తూ రాజకీయాలంటే ఇలానే ఉంటాయని చెప్పకనే చెప్పాడు.
ఓ సభలో పవన్ మాట్లాడుతూ ‘ఏయ్.. కేసీఆర్ నీ తాట తీస్తా’ అనగా, ‘ఆడి పేరేందిరా బై’ అని కేసీఆర్ ఓ బహిరంగ సభలో అడుగుతూ కౌంటర్ ఇచ్చారు. ఇప్పుడీ వ్యాఖ్యలను యథాతథంగా పోస్టు చేసి.. అవసరం, సమయం రాజకీయ నాయకులను మార్చేస్తుందని, 'జై రాజకీయ నాయకుల్లారా..' అంటూ కేసీఆర్కి పవన్ శుభాకాంక్షలు చెబుతున్న ఫొటోను పోస్టు చేశాడు.