sai dharam tej: భారీ రేటుకు మెగా హీరో మూవీ శాటిలైట్ హక్కులు!

సాయిధరమ్ తేజ్ ఎప్పటిలాగే ఈ ఏడాది కూడా తన దూకుడు చూపిస్తూ వెళ్లాడుగానీ, ఆయన ఆశించిన సక్సెస్ మాత్రం లభించలేదు. దాంతో డీలాపడిన తన అభిమానులలో ఉత్సాహాన్ని నింపడం కోసం, వినాయక్ దర్శకత్వంలో ఒక సినిమా చేస్తున్నాడు. మాస్ యాక్షన్ ఎంటర్టైనర్ గా రూపొందుతోన్న ఈ సినిమాలో, సాయిధరమ్ తేజ్ డిఫరెంట్ లుక్ తో కనిపించనున్నాడు.

లావణ్య త్రిపాఠి కథానాయికగా నటిస్తోన్న ఈ సినిమా శాటిలైట్ హక్కులకు గట్టిపోటీనే ఏర్పడిందట. తాజాగా జెమినీ ఛానల్ వారు శాటిలైట్ హక్కులను సొంతం చేసుకున్నట్టుగా చెబుతున్నారు. ఇందుకోసం వాళ్లు భారీ మొత్తమే చెల్లించారని అంటున్నారు. భారీ బడ్జెట్ తో సి.కల్యాణ్ నిర్మిస్తోన్న ఈ సినిమాలో, రాహుల్ దేవ్ విలన్ గా నటిస్తున్నాడు. ఫిబ్రవరి 9వ తేదీన ఈ సినిమాను విడుదల చేయాలనే ఆలోచనలో వున్నారు.