Aishwarya Rai: ద్విపాత్రాభిన‌యం చేయ‌నున్న ఐశ్వ‌ర్యరాయ్‌

ఐశ్వ‌ర్య‌రాయ్ బ‌చ్చ‌న్ తమ తదుప‌రి చిత్రంలో ద్విపాత్రాభిన‌యం చేయ‌బోతోంద‌ని బాలీవుడ్ నిర్మాత ప్రేర‌ణ అరోరా వెల్ల‌డించారు. ఐశ్ ప్ర‌స్తుతం న‌టిస్తున్న 'ఫ్యానీ ఖాన్' చిత్రానికి ప్రేర‌ణ నిర్మాత‌. ఐశ్ త‌దుప‌రి చిత్రానికి కూడా తానే నిర్మాత‌న‌ని, ఈ చిత్రంలో ఐశ్ ద్విపాత్రాభిన‌యం చేయ‌బోతోంద‌ని, థ్రిల్ల‌ర్ క‌థాంశంగా ఈ చిత్రం తెర‌కెక్క‌బోతోంద‌ని ప్రేర‌ణ తెలిపారు.

వ‌చ్చే ఏడాది మార్చి-ఏప్రిల్ మధ్య ఈ చిత్ర షూటింగ్ ప్రారంభ‌మ‌వుతుంద‌ని ఆమె చెప్పారు. యూర‌ప్‌లోని కొన్ని లొకేష‌న్ల‌లో ప్ర‌ధాన స‌న్నివేశాల‌ను తెర‌కెక్కించ‌నున్న‌ట్లు తెలుస్తోంది. ఈ చిత్రంలో న‌టించ‌బోయే హీరో ఎవ‌రనే విష‌యాన్ని త్వ‌ర‌లోనే వెల్ల‌డించ‌నున్నారు. 'ఫ్యానీ ఖాన్' చిత్రాన్ని రంజాన్ సంద‌ర్భంగా విడుద‌ల చేయ‌నున్న సంగ‌తి తెలిసిందే.