raviteja: రవితేజ ఆగడం లేదు .. జనవరిలోనే వచ్చేస్తున్నాడు

'రాజా ది గ్రేట్' తో హిట్ కొట్టిన రవితేజ .. తన తదుపరి చిత్రమైన 'టచ్ చేసి చూడు'తో ప్రేక్షకుల ముందుకు రావడానికి రెడీ అవుతున్నాడు. విక్రమ్ సిరికొండ దర్శకత్వం వహించిన ఈ సినిమాలో రవితేజ డిఫరెంట్ లుక్ తో కనిపించనున్నాడు. ఆయన పాత్ర కూడా ఇంతవరకూ చేసిన పాత్రలకు పూర్తి భిన్నంగా ఉంటుందని అంటున్నారు.

 ఈ సినిమా సంక్రాంతి బరిలోకి దిగుతున్నట్టుగా వార్తలు వచ్చాయి .. కానీ అందులో నిజం లేదు. ఎందుకంటే రవితేజ పుట్టినరోజు సందర్భాన్ని పురస్కరించుకుని ఈ సినిమాను విడుదల చేయనున్నారు. జనవరి 26వ తేదీన రవితేజ పుట్టిన రోజు .. ఆ సందర్భాన్ని పురస్కరించుకుని ఒక రోజు ముందుగా .. అంటే జనవరి 25న ఈ సినిమాను విడుదల చేయాలనే నిర్ణయానికి వచ్చేశారు. నల్లమలుపు బుజ్జి .. వల్లభనేని వంశీ నిర్మిస్తోన్న ఈ సినిమాలో, రవితేజ సరసన రాశి ఖన్నా .. శీరత్ కపూర్ లు నటించారు.