amazon india: కొత్త 'బ‌డ్జెట్ స్మార్ట్‌ఫోన్‌'ను విడుద‌ల చేసిన అమెజాన్ ఇండియా!

  • టెనార్ డీ పేరుతో ప్రత్యేక అమ్మ‌కాలు
  • జ‌న‌వ‌రి 5, 2018న సేల్‌
  • ఆకట్టుకుంటున్న ఫీచ‌ర్లు

అమెజాన్ ఇండియా త్వ‌ర‌లో ఓ కొత్త స్మార్ట్‌ఫోన్‌ను మార్కెట్‌లోకి తీసుకురాబోతున్న‌ట్లు ఇటీవ‌ల ప్ర‌క‌టించిన సంగ‌తి తెలిసిందే. ఈ నేప‌థ్యంలో టెనార్ డీ పేరుతో ఓ స‌రికొత్త బ‌డ్జెట్ స్మార్ట్‌ఫోన్‌ను ఇవాళ విడుద‌ల చేసింది. దీని ధ‌ర రూ. 5000ల కంటే త‌క్కువగా ఉండ‌నున్న‌ట్లు తెలుస్తోంది. 2జీబీ, 16 జీబీ వేరియంట్ ధ‌ర రూ. 3999, 3జీబీ, 32 జీబీ వేరియంట్ ధ‌ర రూ. 4999గా ఉండనున్న‌ట్లు స‌మాచారం. ఇటీవ‌ల షియోమీ విడుద‌ల చేసిన రెడ్‌మీ 5ఏ స్మార్ట్‌ఫోన్‌కి పోటీగా ఈ ఫోన్‌ని విడుద‌ల చేసిన‌ట్టు తెలుస్తోంది.

జ‌న‌వ‌రి 5, 2018 నుంచి ఈ ఫోన్ అమ్మ‌కాలు ప్రారంభం కానున్న‌ట్లు అమెజాన్ ఇండియా పేర్కొంది. ఈ టెనార్ డీ స్మార్ట్‌ఫోన్ ఫీచ‌ర్లు కూడా ఇంచు మించు రెడ్‌మీ 5ఏ స్మార్ట్‌ఫోన్‌ని పోలి ఉన్నాయి. 5.2 ఇంచుల డిస్‌ప్లే, 13 ఎంపీ, 5 ఎంపీ కెమెరాలు, 3500 ఎంఏహెచ్ బ్యాట‌రీ సామ‌ర్థ్యం, ఆండ్రాయిడ్ నౌగ‌ట్ ఆప‌రేటింగ్ సిస్టం వంటి ఫీచ‌ర్లు ఆక‌ట్టుకుంటున్నాయి. అమెజాన్ ప్రైమ్ స‌భ్యుల‌కు ఒక సంవ‌త్స‌రం పాటు అద‌న‌పు వారంటీ కూడా ఇవ్వ‌నున్న‌ట్లు అమెజాన్ పేర్కొంది.

More Telugu News