deepika padukune: రాణి 'పద్మావతి'పై మరో కొత్త సినిమా!

రాణి ప‌ద్మావ‌తి జీవిత క‌థ ఆధారంగా బాలీవుడ్ బ్యూటీ దీపికా ప‌దుకునే న‌టించిన ‘పద్మావతి’ సినిమాపై ఎంత‌టి దుమారం చెల‌రేగుతుందో తెలిసిందే. ఆ సినిమా విడుద‌లైతే విధ్వంసం త‌ప్ప‌ద‌ని రాజ్‌పుత్ సేన‌లు తీవ్రంగా హెచ్చ‌రిక‌లు చేశారు. ఈ సినిమా ఎప్పుడు విడుద‌ల‌వుతుందో కూడా ఇంత‌వ‌ర‌కు స్ప‌ష్ట‌త రాలేదు. అయితే, పద్మావతి జీవితాధారంగా మరో సినిమాను తీయ‌నున్నారు.

‘మై హూ పద్మావతి’ (నేనే ప‌ద్మావ‌తి) అనే టైటిల్‌తో అశోక్‌ శేఖర్ ఈ సినిమాని నిర్మించ‌నున్నారు. ఇందుకోసం స్క్రిప్ట్ కూడా రెడీ అయిపోయింది. తాజాగా అశోక్‌ శేఖర్ మాట్లాడుతూ 'పద్మావతి' సినిమాలో అవాస్తవాలు చూపించార‌ని, తాము తీయబోయే 'మై హూ పద్మావతి' సినిమాలో నిజాన్ని చూపిస్తామ‌ని ఉద్ఘాటించారు.