charan: చరణ్ కి నచ్చిన విధంగా కథకు రిపేర్ చేసిన బోయపాటి!

చరణ్ తన తదుపరి సినిమాను బోయపాటి దర్శకత్వంలో చేయబోతున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. కొంతకాలం క్రితమే బోయపాటి ఒక కథను చరణ్ కి వినిపించాడట. అయితే ఆ కథ పట్ల చరణ్ అంతగా ఆసక్తిని చూపించలేదు. దాంతో అదే కథను బెల్లంకొండ శ్రీనివాస్ తో చేయడానికి ప్రయత్నిస్తే కుదరలేదట. దాంతో ఆ హీరోతో 'జయ జానకి నాయక' చేశాడు.

ఆ తరువాత మళ్లీ చరణ్ కి వినిపించిన కథపై దృష్టి పెట్టిన బోయపాటి, ఆ కథలో చరణ్ కి అసంతృప్తిగా అనిపించిన విషయాలను భర్తీ చేస్తూ వచ్చాడట. ఆ తరువాత ఆ కథను చరణ్ కి వినిపించగా .. బాగుందంటూ ఆయన గ్రీన్ సిగ్నల్ ఇచ్చేశాడని అంటున్నారు. అలా ముందుగా తాను వద్దనుకున్న కథనే మళ్లీ చేయడానికి చరణ్ అంగీకరించాడని అంటున్నారు. మొత్తానికి బోయపాటి ఆ స్క్రిప్ట్ పై గట్టిగానే కసరత్తు చేశాడని చెప్పుకుంటున్నారు.