తెలంగాణ: తెలంగాణ నిరుద్యోగుల వినూత్న నిరసన ... చంద్రబాబు చిత్రపటానికి క్షీరాభిషేకం!

ఏపీలో టీడీపీ ప్రభుత్వం అధికారంలోకి వచ్చిన తర్వాత రెండోసారి డీఎస్సీ నోటిఫికేషన్ వెలువడిన విషయం తెలిసిందే. అయితే, తెలంగాణ రాష్ట్రంలో మాత్రం డీఎస్సీ నోటిఫికేషన్ ఇంతవరకూ వెలువడలేదు. దీంతో, తెలంగాణలోని నిరుద్యోగులు అసహనానికి గురయ్యారు. ఈ నేపథ్యంలో ఏపీ సీఎం చంద్రబాబు చిత్ర పటానికి క్షీరాభిషేకం చేసి వినూత్నంగా తమ నిరసన వ్యక్తం చేశారు. ఈ సంఘటన మహబూబ్ నగర్ లో ఈరోజు జరిగింది.

ఈ సందర్భంగా నిరుద్యోగులు మాట్లాడుతూ, డీఎస్సీకి సంబంధించి ఏపీలో రెండో నోటిఫికేషన్ కూడా వెలువడిందని, తెలంగాణలో అసలు నోటిఫికేషన్ వెలువడలేదంటూ మండిపడ్డారు. కాగా, ఏపీలో డీఎస్సీ నోటిఫికేషన్ నిన్న వెలువడింది. ఈ నోటిఫికేషన్ ద్వారా 12370 ఉపాధ్యాయ పోస్టులను భర్తీ చేయనున్నట్టు విద్యా శాఖ మంత్రి గంటా శ్రీనివాసరావు ప్రకటించారు.