sri vishnu: ఇద్దరూ మంచి స్నేహితులు .. అయినా పోటీ తప్పడం లేదు!

నారా రోహిత్ .. శ్రీవిష్ణు ఇద్దరూ మంచి స్నేహితులు అనే విషయం తెలిసిందే. గతంలో నారా రోహిత్ తాను చేసిన 'అప్పట్లో ఒకడుండేవాడు' సినిమాలో శ్రీవిష్ణుకు ఛాన్స్ ఇచ్చి ప్రోత్సహించాడు. ఆ సినిమా సక్సెస్ ను సాధించడమే కాకుండా, శ్రీవిష్ణుకు మంచిపేరు తెచ్చిపెట్టింది. ఆ తరువాత అటు నారా రోహిత్ .. ఇటు శ్రీవిష్ణు ఎవరి సినిమాలతో వాళ్లు బిజీ అయ్యారు.

ఈ నేపథ్యంలో నారా రోహిత్ చేసిన 'బాలకృష్ణుడు' సినిమా, ఈ నెల 24వ తేదీన విడుదలవుతోంది. ఇక శ్రీవిష్ణు కథానాయకుడిగా నటించిన 'మెంటల్ మదిలో' సినిమాను కూడా అదే రోజున విడుదల చేయడానికి దర్శక నిర్మాతలు సన్నాహాలు చేస్తున్నారు. కలిసి హిట్ కొట్టిన ఈ స్నేహితులు .. ఇప్పుడు ఒకే రోజున వేరు వేరు సినిమాలతో రంగంలోకి దిగుతుండటం ఆసక్తికరంగా మారింది. ఈ స్నేహితులు మాత్రం ఒకరి సినిమా హిట్ కొట్టాలని మరొకరు కోరుకుంటున్నారు.