revant reddy: రేవంత్ రెడ్డికి రాహుల్ గాంధీ లంచ్... నేటి షెడ్యూల్ ఇదే!

మొన్నటి వరకూ తెలుగుదేశం ఫైర్ బ్రాండ్ గా ఉన్న రేవంత్ రెడ్డి నేడు కాంగ్రెస్ పార్టీలో చేరనున్న సంగతి తెలిసిందే. నిన్న తన అనుచరులతో సమావేశం అనంతరం ఆయన నేరుగా ఢిల్లీ చేరుకున్నారు. ఇక ఈ ఉదయం తనను కలిసి మద్దతు తెలిపేందుకు వచ్చిన వారితో మాట్లాడుతూ బిజీగా ఉన్నారు.

 ఇక ఈ మధ్యాహ్నం 12.30 గంటలకు రాహుల్ గాంధీని కలుసుకునే రేవంత్, దాదాపు గంట సేపు ఆయనతోనే గడపనున్నారు. వీలైతే రేవంత్, సోనియా గాంధీని కలిసి ఆమె ఆశీర్వాదం తీసుకుంటారని సమాచారం. రాహుల్ తోనే కలసి ఆయన మధ్యాహ్న భోజనం చేయనున్నారు. ఆపై సాయంత్రం 4 గంటలకు ఏఐసీసీ కార్యాలయంలో జరిగే కార్యక్రమంలో రాహుల్ సమక్షంలో రేవంత్ మువ్వన్నెల కండువాను కప్పుకోనున్నారు. అనంతరం రాత్రికి హైదరాబాద్ బయలుదేరి రానున్నారు.