akhil: అఖిల్ కోసం రిలీజ్ డేట్ మార్చుకున్న నాని మూవీ!

  • అఖిల్ తాజా చిత్రంగా 'హలో'
  • దర్శకుడిగా విక్రమ్ కుమార్ 
  • డిసెంబర్ 22వ తేదీన విడుదల
  • డిసెంబర్ 15న 'మిడిల్ క్లాస్ అబ్బాయి'

నాని కథానాయకుడిగా వేణు శ్రీరామ్ దర్శకత్వంలో 'మిడిల్ క్లాస్ అబ్బాయి' తెరకెక్కుతోంది. సాయిపల్లవి కథానాయికగా నటిస్తోన్న ఈ సినిమాను దిల్ రాజు నిర్మిస్తున్నారు. క్రిస్మస్ పర్వదినాన్ని పురస్కరించుకుని ఈ సినిమాను డిసెంబర్ 22వ తేదీన విడుదల చేయాలనుకున్నారు. అయితే అదే రోజున అఖిల్ సినిమాను రిలీజ్ చేయడానికి నాగార్జున ప్లాన్ చేస్తున్నారు.

 విక్రమ్ కుమార్ దర్శకత్వంలో అఖిల్ 'హలో' సినిమా చేస్తున్నాడు. నాగార్జున నిర్మిస్తోన్న ఈ సినిమాలో కల్యాణి ప్రియదర్శన్ కథానాయికగా నటిస్తోంది. ఈ సినిమాను డిసెంబర్ 22న రిలీజ్ చేయాలని నాగార్జున భావించడంతో, ఆ రోజున తమ సినిమాను రిలీజ్ చేయాలనే ఆలోచనను దిల్ రాజు విరమించుకున్నారట. వారం రోజుల ముందుగానే .. అంటే, డిసెంబర్ 15వ తేదీనే 'మిడిల్ క్లాస్ అబ్బాయి' సినిమాను విడుదల చేయాలనే నిర్ణయానికి వచ్చారనే టాక్ వినిపిస్తోంది.  

More Telugu News