driver: న‌డుస్తున్న బ‌స్సు స్టీరింగ్ వ‌దిలేసి, డ్యాన్సులు వేసిన డ్రైవ‌ర్‌... వీడియో చూడండి

బ‌స్సు న‌డుపుతున్న డ్రైవ‌ర్ ఒక్క‌సారిగా సీట్లోంచి లేచి, స్పీక‌ర్‌లో వ‌స్తున్న పాట‌కు స్టెప్పులేస్తే ఎలా ఉంటుంది? అప్పుడు జ‌ర‌గ‌బోయే ప్ర‌మాదం ఊహించుకోవ‌డానికే భ‌యంగా ఉంది క‌దా!... కొలంబియాలో అలాంటి ప‌నే చేసిన ఓ డ్రైవ‌ర్ వీడియో ఒక‌టి ఇంట‌ర్నెట్లో న‌వ్వులు పూయిస్తోంది.

ప్ర‌మాదం జ‌రిగే సంద‌ర్భంలో ఎవ‌రైనా న‌వ్వుతారా? అని ఆశ్చ‌ర్య‌పోకండి. వీడియో చివ‌రి వ‌ర‌కు చూస్తే ఎవ‌రైనా న‌వ్వాల్సిందే! నిజానికి ఆ బ‌స్సు పాడైంది. దాన్ని వెన‌కాల త‌గిలించుకుని ఓ ట్ర‌క్కు లాక్కెళ్తోంది. ఈ విష‌యాన్ని వీడియో చివ‌ర్లో చూపించారు. దీంతో అప్ప‌టి వ‌రకు ఏం ప్ర‌మాదం జ‌రుగుతుందో అని ఆందోళ‌న చెందిన వారంతా ప‌గ‌ల‌బ‌డి న‌వ్వుతున్నారు.