Kajal: సినిమా కబుర్లు... సంక్షిప్త సమాచారం!

*  తమిళంలో హిట్టయిన 'భోగన్' చిత్రాన్ని రవితేజ హీరోగా తెలుగులో రీమేక్ చేయనున్నారు. తమిళ ఒరిజినల్ కి దర్శకత్వం వహించిన లక్ష్మణ్ దీనికి కూడా దర్శకత్వం వహిస్తాడు. ఇక ఇందులో కథానాయికగా కాజల్ అగర్వాల్ ను ఎంపిక చేసినట్టు తాజా సమాచారం.  
*  కన్నడలో హిట్టయిన 'కిరిక్ పార్టీ' చిత్రాన్ని నిఖిల్ హీరోగా శరణ్ కొప్పిశెట్టి దర్శకత్వంలో తెలుగులో రీమేక్ చేస్తున్నారు. ఈ చిత్రానికి సంబంధించిన తాజా షెడ్యూలు ఉత్తరాఖండ్ పరిసర ప్రాంతాలలో నిర్వహించారు. సంయుక్త హెగ్డే హీరోయిన్ గా నటిస్తున్న ఈ చిత్రానికి యువ దర్శకులు సుధీర్ వర్మ, చందు మొండేటి కలసి స్క్రీన్ ప్లే, సంభాషణలు సమకూర్చడం విశేషం.
*  ప్రముఖ దర్శకుడు పూరీ జగన్నాథ్ తన తదుపరి చిత్రాన్ని 'మెహబూబా' పేరిట తన తనయుడు ఆకాష్ తో చేస్తున్న సంగతి విదితమే. ఈ చిత్ర కథ నేపథ్యం తాజాగా రివీల్ అయింది. ఇండో-పాక్ విభజన కాలం నాటి హీరో హీరోయిన్లు.. మళ్లీ ఆ దేశ సరిహద్దు గ్రామాల్లో పునర్జన్మను పొందే నేపథ్యంలో ఈ చిత్రం రూపొందుతోందట.
*  తేజ దర్శకత్వంలో నందమూరి నటసింహం బాలకృష్ణ కథానాయకుడుగా దివంగత ఎన్టీఆర్ బయోపిక్ ను తెరకెక్కించడానికి సన్నాహాలు జరుగుతున్న సంగతి విదితమే. ఇప్పుడీ చిత్రానికి సంబంధించిన మరో విశేషం వెల్లడైంది. ప్రముఖ సంగీత దర్శకుడు కీరవాణి దీనికి సంగీతాన్ని అందిస్తారట.