vijay: 'దంగల్', 'రయీస్' రికార్డులను బద్దలు కొట్టిన విజయ్ 'మెర్సల్'!

  • ఓవర్సీస్ లో సత్తా చాటుతున్న విజయ్ 'మెర్సల్'
  • అమెరికాలో 800 థియేటర్లలో రిలీజ్ అయిన 'మెర్సల్'
  • తొలి రోజు వసూళ్లలో అమీర్ 'దంగల్', షారూఖ్ 'రయీస్' లను దాటేసిన 'మెర్సల్'

ఓవర్సీస్ లో దక్షిణాది సినిమాలు కూడా ఇప్పుడు సత్తా చాటుతున్నాయి. ఈ క్రమంలో పలు బాలీవుడ్ సినిమాల కలెక్షన్లను కూడా ఇవి దాటేస్తున్నాయి. తాజాగా ప్రపంచ వ్యాప్తంగా మంగళవారం విడుదలైన కోలీవుడ్ స్టార్ విజయ్ 'మెర్సల్' సినిమా ఓవర్సీస్ వసూళ్లలో రికార్డు దిశగా దూసుకెళ్తోంది.

అమెరికాలో తొలిసారిగా ఈ సినిమా 800 థియేటర్లలో రిలీజ్ కాగా తొలి రోజు 3 లక్షల 57 వేల 925 డాలర్లు వసూలు చేసింది. దీంతో తొలి రోజు బాలీవుడ్ సూపర్ హిట్ సినిమా 'దంగల్' (3లక్షల 28వేల డాలర్లు), షారూఖ్ 'రయీస్' సినిమా (3లక్షల 49వేల డాలర్లు) రికార్డులను ఇది అధిగమించింది. 

More Telugu News