robo: అక్టోబ‌ర్ 27న `రోబో 2.0` ఆడియో విడుద‌ల‌

శంక‌ర్ ద‌ర్శ‌క‌త్వంలో సూప‌ర్‌స్టార్‌ ర‌జ‌నీకాంత్ హీరోగా ప్ర‌తిష్టాత్మ‌కంగా తెర‌కెక్కిన `రోబో 2.0` చిత్ర ఆడియో విడుద‌ల తేదీని చిత్ర బృందం ప్ర‌క‌టించింది. అక్టోబ‌ర్ 27న ఈ చిత్రం ఆడియో విడుద‌లకానుంది. దుబాయ్‌లోని బుర్జ్ పార్క్‌లో ఈ ఆడియో వేడుక జ‌ర‌గ‌నుంది. దీనికి సంబంధించిన ప్ర‌చార పోస్ట‌ర్ల‌ను చిత్ర‌యూనిట్ సోష‌ల్ మీడియాలో విడుద‌ల చేసింది. ఇప్ప‌టివ‌ర‌కు ఈ సినిమాకు సంబంధించి ప్ర‌ధాన పాత్ర‌ల ఫ‌స్ట్‌లుక్‌లు, త్రీడీ వ‌ర్కింగ్ కార్య‌క్ర‌మాల వీడియోలు బ‌య‌టికొచ్చాయి. వీటికి ప్రేక్ష‌కుల నుంచి అపూర్వ స్పంద‌న ల‌భించింది.