hrutik roshan: హృతిక్‌ రోషన్‌ వెంటే బాలీవుడ్...ఒంటరైన కంగన

  • ఫేస్ బుక్ లో హృతిక్‌ రోషన్‌ కు మద్దతుగా పోస్టు పెట్టిన ఫర్హాన్ అఖ్తర్
  • ఫర్హాన్ ను అభినందిస్తూ హృతిక్‌ కి మద్దతు తెలిపిన ట్వింకిల్‌ ఖన్నా, యామి గౌతమ్‌, కరణ్‌ జోహార్‌, సోనమ్‌ కపూర్‌, సోనాలి బింద్రే
  • హృతిక్‌ కి మద్దతు పలికిన వారిపై మండిపడ్డ కంగనా సోదరి రంగోలి


గత కొంతకాలంగా బాలీవుడ్ ను హృతిక్‌ రోషన్‌, కంగనా రనౌత్‌ ల వివాదం పట్టికుదిపేస్తున్న సంగతి తెలిసిందే. ఈ విషయంలో ఇన్నాళ్లూ మౌనంగా ఉన్న హృతిక్‌ తాజాగా మౌనం వీడడంతో బాలీవుడ్ సెలబ్రిటీలంతా హృతిక్‌ కే మద్దతు పలుకుతున్నారు. ఈ మేరకు హృతిక్‌ రోషన్ కు మద్దతునిస్తూ ఫర్హాన్‌ అఖ్తర్ ఫేస్ బుక్ లో ఒక పోస్టు పెట్టాడు.

"నా సహనటుడు ఓ అమ్మాయి పట్ల ఇంత నీచంగా ప్రవర్తించాడంటే నమ్మను. ఈ విషయంపై మాట్లాడే హక్కు నాకు లేదు. దీనిని సైబర్‌ క్రైమ్‌ అధికారులే పరిష్కరిస్తారు. కానీ ఒక్కటి మాత్రం చెప్పగలను. సమాజంలో ఎప్పుడూ మహిళలే అన్యాయానికి గురవుతుంటారు. కొన్ని ఘటనల్లో ఇది వాస్తవమే.

కానీ ప్రతీ విషయంలో పురుషుడిదే తప్పంటే మాత్రం నేను అంగీకరించను. పురుషులపై కూడా అకృత్యాలు జరిగాయి. వారూ ఎంతో అనుభవించారు. ఈ వాస్తవాన్ని న్యాయస్థానాలు కూడా ఒప్పుకొన్నాయి. కానీ హృతిక్‌ విషయంలో జరిగే అన్యాయాన్ని సహించలేక స్పందించాల్సి వస్తోంది. కంగన, హృతిక్‌ వివాదాన్ని మీడియా చూపించిన తీరు సరైనది కాదు. కేవలం ఓ యువతి (కంగన) చేస్తున్న ఆరోపణలతోనే పేరున్న పాత్రికేయులు తప్పు హృతిక్‌ దేనని తప్పు పడుతున్నారు. ఇది ఎంత వరకు సమంజసం?’ అంటూ ప్రశ్నించాడు.

దీనికి అక్షయ్ కుమార్ భార్య, సినీనటి ట్వింకిల్‌ ఖన్నా, యామి గౌతమ్‌, కరణ్‌ జొహార్‌, సోనమ్‌ కపూర్‌, సోనాలి బింద్రేలు మద్దతు తెలిపారు. అంతే కాకుండా వారంతా హృతిక్‌ కి మద్దతుగా ట్వీట్లు చేశారు. దీనిపై కంగనా రనౌత్ సోదరి రంగోలీ మండిపడింది. ఫర్హాన్‌ ను సమర్థించిన వారిని ఉద్దేశిస్తూ, ‘డియర్‌ ఫర్హాన్‌.. మీరు కేవలం రోషన్‌ కుటుంబానికి సపోర్ట్‌ చేస్తూ ఈ పోస్ట్‌ రాయకుండా ఉండి ఉంటే అభినందించే దాన్ని. మొత్తం చిత్ర పరిశ్రమ కంగనకు వ్యతిరేకంగా నిలబడినా ఆమె నిలదొక్కుకోగలదు.’ అంటూ ట్వీట్‌ చేసింది. 

More Telugu News