: బ‌హిరంగ మ‌ల‌విస‌ర్జ‌న చేస్తున్న వారి ఫొటో పంపిస్తే రూ. 100 బ‌హుమ‌తి.. గ్వాలియర్ లో వినూత్న ప్రయోగం!

ప్ర‌ధాని న‌రేంద్ర మోదీ స్వ‌చ్ఛ్ భార‌త్ ప్ర‌చారంలో భాగంగా వివిధ రాష్ట్రాలు త‌మ‌కు తోచిన విధంగా వినూత్న ప్ర‌య‌త్నాల‌ను ముందుకు తీసుకువ‌స్తున్నాయి. అందులో భాగంగానే మ‌ధ్య‌ప్ర‌దేశ్‌లోని గ్వాలియ‌ర్ జిల్లా యంత్రాంగం కూడా ఓ వినూత్న ప్ర‌యోగానికి శ్రీకారం చుట్టింది. ఇందులో జిల్లా ప‌రిధిలో ఎవ‌రైనా బ‌హిరంగ మ‌ల‌విస‌ర్జ‌న చేస్తున్న‌ట్లు క‌నిపిస్తే వారి ఫొటో తీసి, వాట్సాప్ ద్వారా జిల్లా ప‌రిశుభ్ర‌త విభాగానికి పంపించాల‌ని కోరింది.

 అలా చేస్తే ఆ ఫొటోలో ఉన్న‌ వ్యక్తిని గుర్తుపట్టి రూ. 250 జ‌రిమానా విధించి, ఫొటో పంపిన వారికి రూ. 100 బ‌హుమ‌తిగా ఇస్తామ‌ని ప్ర‌క‌టించింది. ఈ ఏడాది విడుద‌లైన భార‌త టాప్ 100 స్వచ్ఛ న‌గ‌రాల్లో గ్వాలియ‌ర్ 27వ స్థానంలో ఉంది. ఆ స్థానాన్ని మ‌రింత మెరుగుప‌రుచుకోవ‌డానికి స్థానిక ప్ర‌భుత్వ యంత్రాంగం ప్ర‌య‌త్నిస్తోంది. ఇందులో భాగంగానే ఇలాంటి కార్య‌క్ర‌మాల‌ను నిర్వ‌హిస్తోంది. అయితే ఇలా చేయ‌డం వ‌ల్ల వ్య‌క్తిగ‌త స్వేచ్ఛ‌కు భంగం క‌లుగుతుంద‌ని, వెంట‌నే ఈ ప‌ద్ధ‌తిని నిలిపివేయాల‌ని సామాజిక కార్య‌కర్త‌లు విమ‌ర్శ‌లు గుప్పిస్తున్నారు. అయితే పంపిన ఫొటోల‌ను సోష‌ల్ మీడియాలో వైర‌ల్ కాకుండా చూసుకుంటామ‌ని జిల్లా యంత్రాంగం హామీ ఇచ్చింది.