aravind swami: సిక్స్ ప్యాక్ తో కనిపించనున్న సీనియర్ హీరో!
అరవింద్ స్వామి నిన్నటితరం రొమాంటిక్ హీరో. తమిళంతో పాటు తెలుగులోను ఆయనకి ఎంతోమంది అభిమానులు వున్నారు. అలాంటి ఆయన ఈ మధ్య తన వయసుకి తగిన కీలకమైన పాత్రలను చేస్తూ వస్తున్నారు. ఈ నేపథ్యంలో మరోమారు కథానాయకుడిగాను తెరపై కనిపించడానికి ఆయన రెడీ అవుతున్నారు.
ఆయన హీరోగా దర్శకుడు సెల్వ 'వనంగముడి' సినిమాను తెరకెక్కిస్తున్నాడు. ఈ సినిమాలో అరవిందస్వామి పోలీస్ ఆఫీసర్ గా సిక్స్ ప్యాక్ తో కనిపించనున్నాడు. అందుకు తగిన ఫిట్ నెస్ కోసం ఆహార నియమాలు పాటిస్తూ .. జిమ్ లో ఎక్కువసేపు గడుపుతున్నాడట. ఈ పాత్ర తన కెరియర్లో ప్రత్యేకంగా నిలుస్తుందని ఆయన భావిస్తున్నట్టు తెలుస్తోంది. రితికా సింగ్ .. నందితా శ్వేత కథానాయికలుగా నటిస్తోన్న ఈ సినిమాను డిసెంబర్లో విడుదల చేయనున్నారు.
