: కోయంబత్తూరులో ‘ర్యాలీ ఫర్ రివర్స్’ను ప్రారంభించిన జగ్గీ వాసుదేవ్!
తమిళనాడులోని కోయంబత్తూరులో ‘ర్యాలీ ఫర్ రివర్స్’ కార్యక్రమం ప్రారంభమైంది. ఈ కార్యక్రమాన్ని ఇషా ఫౌండేషన్ వ్యవస్థాపకుడు సద్గురు జగ్గీ వాసుదేవ్ ప్రారంభించారు. ఈ కార్యక్రమంలో భాగంగా దేశ వ్యాప్తంగా 16 రాష్ట్రాల్లోని 21 నగరాల్లో జగ్గీ వాసుదేవ్ పర్యటించనున్నారు. నదులను కాపాడుకునే ఉద్దేశ్యంతో ప్రారంభించిన ‘ర్యాలీ ఫర్ రివర్స్’ నేటి నుంచి అక్టోబర్ 3 వరకు కొనసాగనుంది. కాగా, ‘ర్యాలీ ఫర్ రివర్స్’ కు మద్దతు ఇద్దామంటూ ప్రముఖ నటుడు చిరంజీవి నిన్న తన వీడియో సందేశంలో పిలుపు నిచ్చారు. నదులు ఎన్నో తరాలుగా మనల్ని పోషిస్తున్నాయని, వాటిని కాపాడుకోవాల్సిన బాధ్యత మనపై ఉందని అన్నారు.
