బీజేపీ ఎంపీపై రాళ్లు రువ్విన ప్రజలు

14-10-2015 Wed 18:28

భారతీయ జనతా పార్టీ ఎంపీపై హర్యానా ప్రజలు రాళ్లు రువ్వారు. విద్యుత్ టారిఫ్ చార్జీలు పెంచడమే ఇందుకు కారణం. కైతాల్ జిల్లా సివాన్ గ్రామంలో జరిగిన ఒక కార్యక్రమంలో పాల్గొన్న ఎంపీ రాజ్ కుమార్ సైనికిపై ప్రజలు రాళ్లు రువ్వారు. ఆ నియోజకవర్గ ఎమ్మెల్యే కుల్వంత్ బజిగర్ ఆహ్వనం మేరకు రాజ్ కుమార్ అక్కడికి వెళ్లారు. ఎంపీ అక్కడికి వెళ్లినప్పటి నుంచి ప్రజలు నిరసనలు వ్యక్తం చేస్తూనే ఉన్నారు. అయితే, ఈ ఘటనలో ఎంపీ, ఎమ్మెల్యే కు ఎలాంటి గాయాలు కాకుండా సురక్షితంగా బయటపడ్డారు. తమకు మాత్రం రాళ్ల దెబ్బలు తగిలాయని పోలీసులు వెల్లడించారు.