ap7am logo

అశ్వంపై వచ్చి వెలసిన వేంకటేశ్వరస్వామి

Sat, Dec 28, 2019, 06:37 PM
వేంకటేశ్వరస్వామి కొలువైన ప్రాచీన క్షేత్రాలలో 'బండపాలెం' ఒకటి. సూర్యాపేట జిల్లా పరిధిలో ఈ క్షేత్రం వెలుగొందుతోంది. ఈ గ్రామంలో బల్లపరుపుగా బండ పరుచుకుని ఉండటం వలన, ఈ గ్రామానికి ఈ పేరు వచ్చిందని అంటారు. బల్లపరుపుగా ఇక్కడ పరచుకున్న ఈ బండపైనే వేంకటేశ్వరస్వామి వెలిశాడు. చాలా కాలం క్రితం ఇక్కడి పరిసరాల్లో గల పొలాల్లో రైతులు పనిచేస్తూ ఉండగా, తెల్లని అశ్వంపై దివ్యమైన తేజస్సు కలిగిన ఒక రూపం చాలా వేగంగా ఈ బండపైకి వచ్చిందట.

యువరాజు వేషధారణలో వున్న ఆయన ఎవరై ఉంటారా అని అంతా ఆలోచిస్తూ ఉండగానే, అశ్వంతో పాటు ఆ రూపం అదృశ్యమైందట. ఆశ్చర్యపోయిన రైతులు ఆ రూపం అదృశ్యమైన ప్రదేశానికి పరిగెత్తి చూడగా, అక్కడ వేంకటేశ్వరస్వామి శిలా రూపం కనిపించిందట. అలా వెలసిన స్వామివారికి ఆ తరువాత కాలంలో ఆలయాన్ని నిర్మించారు. నిజం నవాబుకి స్వప్నంలో స్వామివారు కనిపించి చెప్పడం వలన, నిత్య ధూపదీపాలకి అవసరమయ్యే మొత్తం ఇప్పటికీ ఆయన వంశీకుల నుంచే వస్తుందట. ఇంతలా బండ పరుచుకున్నప్పటికీ, ఇక్కడ నీళ్లు పడటం స్వామివారి మహిమేనని భక్తులు విశ్వసిస్తుంటారు.           
X

Feedback Form

I agree to Terms of Service & Privacy Policy