బలమైన విశ్వాసమే బాధలను తీరుస్తుంది !

22-05-2014 Thu 16:02

మహారాష్ట్ర ప్రాంతానికి చెందిన ఒక వ్యాపారి అంచెలంచలుగా ఎదుగుతాడు. ఆయన కుటుంబసభ్యులు సుఖ సంతోషాలతో కూడిన జీవితాన్ని కొనసాగించసాగారు. అలాంటి పరిస్థితుల్లో ఆ వ్యాపారికి అనూహ్యమైన పరిస్థితులు ఎదురుకాసాగాయి. వ్యాపారంలో వరుసగా వస్తోన్న నష్టాలు ఆయనని ఉక్కిరిబిక్కిరి చేయసాగాయి. ఆ నష్టాలను తట్టుకునే శక్తిలేని కారణంగా ఆయన తీవ్రమైన అనారోగ్యానికి లోనవుతాడు.

భర్త పరిస్థితి భార్యకి ఎంతో ఆందోళన కలిగిస్తుంది. ఈ విషయాన్ని గురించి బాగా ఆలోచించిన ఆమె, దత్తాత్రేయ స్వామికి మొక్కు చెల్లించకపోవడమే జరిగిన అనర్థానికి కారణమని గ్రహిస్తుంది. వ్యాపారంలో పైకి వస్తే దత్త క్షేత్రంలో బ్రాహ్మణులకు అన్నదానం చేస్తానని చెప్పిన ఆమె భర్త, ఆ తరువాత ఆ విషయాన్ని నిర్లక్ష్యం చేస్తాడు. ఈ విషయం గుర్తుకు రావడంతో, ఆ వ్యాపారి భార్య ఆ మొక్కు చెల్లించాలని నిర్ణయించుకుంటుంది.

భర్త అనుకున్న స్థాయిలో మొక్కుచెల్లించే శక్తి తన ఒక్కదానికి లేదని గ్రహించిన ఆమె, దత్తాత్రేయస్వామి అవతారమైన 'అక్కల్ కోటస్వామి' కి భోజనం పెడితే ఆ మొక్కు తీరినట్టు అవుతుందని విశ్వసిస్తుంది. అనుకున్నదే తడవుగా ఆమె అక్కల్ కోటకు చేరుకుని, ఆ స్వామికి వివిధ రకాల పదార్థాలతో భోజనం పెడుతుంది. ఆమె ఎంతో ప్రేమతో వండి తెచ్చిన భోజన పదార్థాలను ఆయన ఇష్టంగా ... సంతృప్తిగా ఆరగిస్తాడు.

దత్తాత్రేయుడికి చెల్లించవలసిన మొక్కు తీరిపోయిందనీ, ఇక దాని గురించి చింతించవలసిన పనిలేదని ఆమెతో అంటాడు స్వామి. తాను చెప్పకపోయినా స్వామి అలా మాట్లాడటంతో, ఆమె ఆశ్చర్యపోతుంది. సాక్షాత్తు దత్తాత్రేయస్వామి అవతారమే శ్రీ అక్కల్ కోట స్వామి అని తాను విశ్వసించినందుకు, తగిన నిదర్శనం లభించిందని ఆమె సంతోషంతో పొంగిపోతుంది. ఆనంద బాష్పాలు వర్షిస్తూ వుండగా స్వామి పాదాలపై పడి నమస్కరిస్తుంది.


More Bhakti Articles
Telugu News
Bengaluru Police Arrested Three Men for Robbery In the name Of AP Police
ఏపీ పోలీసులమంటూ దారి దోపిడీలు.. బెంగళూరులో ముగ్గురి అరెస్ట్
2 minutes ago
Nara Lokesh Interesting Comments On YS Jagan MLAs
వచ్చే ఎన్నికల్లో జగన్ ఎమ్మెల్యేల సంఖ్యపై లోకేశ్ ఆసక్తికర వ్యాఖ్యలు
27 minutes ago
Waltair Veerayya Success Event
రవితేజ ప్లేస్ లో పవన్ ను ఊహించుకుని ఆ సీన్ చేశాను: చిరంజీవి
8 hours ago
Celebrity Cricket League comes again
మళ్లీ వస్తున్న సెలబ్రిటీ క్రికెట్ లీగ్
8 hours ago
Waltair Veerayya Success Event
చిరంజీవిగారు నాకు బ్రదర్ లా కనిపించారు: చరణ్
9 hours ago
Prabhas appreciates KTR and Green Ko
మంత్రి కేటీఆర్ కు అభినందనలు: ప్రభాస్
9 hours ago
Waltair Veerayya Success Event
మెగాస్టార్ రుణాన్ని ఎప్పటికీ తీర్చుకోలేను: డైరెక్టర్ బాబీ
9 hours ago
Nara Lokesh second day Yuvagalam Padayatra highlights
పాదయాత్రలో చంటిబిడ్డకు నామకరణం చేసిన లోకేశ్
9 hours ago
Payyavula fires on YCP MLA Srikanth Reddy
అవినాశ్ సీబీఐ విచారణను రికార్డింగ్ చేయాలని శ్రీకాంత్ రెడ్డి అనడం సిగ్గుచేటు: పయ్యావుల
10 hours ago
Chandrabbau arrives Bengaluru and visit Narayana Hrudayalaya where Tarakaratna being treated
తారకరత్న ప్రస్తుత ఆరోగ్య పరిస్థితిపై మీడియాకు వివరించిన చంద్రబాబు
10 hours ago