Periods: క్రమం తప్పకుండా పీరియడ్స్.. ఈ ఆహారం అవసరం
- నెలసరిపై హార్మోన్లలో అసమతుల్యత, పోషకాల లేమి, ఒత్తిడి ప్రభావం
- వీటిని నివారించే ఆహారం తీసుకోవాలి
- బొప్పాయి, సోంపు, కలబంద, వాముతో ఉపయోగాలు
స్త్రీలకు నెలసరి (రుతు చక్రం/మెనుస్ట్రుయేషన్ సైకిల్) అన్నది ఆరోగ్య కోణం నుంచి చూస్తే ఎంతో ముఖ్యమైన ప్రక్రియ. హార్మోన్ల ఉత్పత్తి, పునరుత్పత్తికి ఇది అత్యంత కీలకమైనది. ఒక్కొక్కరికి ఒక్కో విధంగా నెలసరి ప్రక్రియ ఉంటుంది. సాధారణంగా ఆరోగ్యవంతులకు ప్రతి 28 రోజులు లేదా 30 రోజులకు పీరియడ్స్ వస్తుంటాయి. రుతుస్రావం నాలుగు నుంచి ఏడు రోజుల వరకు ఉంటుంది.
బొప్పాయి పండులో కెరోటిన్ ఉంటుంది. ఇది ఈస్ట్రోజెన్ స్థాయులను పెంచుతుంది. గర్భాశయం సంకోచానికి సైతం సాయపడుతుంది.
వాము వాటర్ గురించి వినే ఉంటారు. ఇది తీసుకున్నా నెలసరి సక్రమంగా వస్తుంది. వామును నీటిలో కాచి తాగితే నెలసరి సమయంలో వచ్చే నొప్పుల నుంచి ఉపశమనం లభిస్తుంది.
దీన్నే కలబందగా చెబుతారు. ఇందులో ఫోలిక్ యాసిడ్, అమైనో యాసిడ్స్, శాలిసిలిక్ యాసిడ్, విటమిన్ ఏ, సీ, ఈ, బీ12 ఉంటాయి. హార్మోన్లు సక్రమంగా పనిచేసేందుకు ఇవి అవసరం. పీరియడ్స్ రెగ్యులర్ గా రావాలంటే హార్మోన్ల ఉత్పత్తి తగినంత ఉండాలి.
ఇన్సులిన్ స్థాయులు హార్మోన్లపై ప్రభావం చూపిస్తాయి. దాల్చిన చెక్కలో ఉండే గుణాలు ఇన్సులిన్ స్థాయులను నియంత్రిస్తాయి. పాలీసిస్టిక్ ఓవరీ సిండ్రోమ్ సమస్య ఉన్న వారు కూడా దాల్చిన చెక్క పొడిని తీసుకోవడం వల్ల ఫలితం ఉంటుంది.
పైనాపిల్ లో బ్రోమెలిన్ అనే ఎంజైమ్ ఉంటుంది. ఇది శరీరంలోని ఇన్ ఫ్లమేషన్ ను తగ్గిస్తుంది. దీంతో పీరియడ్స్ క్రమం తప్పకుండా వస్తాయి.
పీరియడ్స్ ను రెగ్యులర్ చేయడంలో సోంపు కూడా మంచి ప్రభావం చూపిస్తుంది. ఎందుకంటే ఇది హార్మోన్ల సమతుల్యం చేయగలదు. నెలసరి సమయంలో నొప్పిని తగ్గిస్తుంది.
