Adivi Sesh: నీ జీవితమే ఒక పోరాటం .. 'హిట్ 2' నుంచి సాంగ్ రిలీజ్!

  • అడివి శేష్ హీరోగా నిర్మితమైన 'హిట్ 2'
  • థ్రిల్లర్ జోనర్లో నడిచే కథాకథనాలు
  • కీలకమైన పాత్రలో రావు రమేశ్
  • డిసెంబర్ 2వ తేదీన సినిమా విడుదల
Hit 2 movie lyrical song release

అడివి శేష్ హీరోగా శైలేశ్ కొలను దర్శకత్వంలో 'హిట్ 2' సినిమా రూపొందింది. నాని సొంత బ్యానర్లో నిర్మితమైన ఈ సినిమా డిసెంబర్ 2వ తేదీన థియేటర్లకు రానుంది. ఈ నేపథ్యంలో ఈ సినిమా నుంచి 'పోరాటమే .. పోరాటమే .. నీ జీవితం ఒక పోరాటమే' అనే ఒక లిరికల్ సాంగ్ ను రిలీజ్ చేశారు. 

"రక్తమే అంటుకున్న చేతులా .. ఎంతకీ వదిలిపోని మరకలా .. నిదురలో పోనే పోనీ చేదు గురుతులా " అంటూ ఈ పాట మొదలవుతోంది. హీరో కార్యదీక్ష .. ఆయన ధైర్యసాహసాలకి సంబంధించిన నేపథ్యంలో ఈ పాట ప్లే అవుతోంది. పోలీస్ ఆఫీసర్ గా హీరో డ్యూటీకి సంబంధించిన విజువల్స్ పై వచ్చే పాట ఇది.  

సురేశ్ బొబ్బిలి స్వరపరిచిన ఈ పాటకి కృష్ణకాంత్ సాహిత్యాన్ని అందించాడు. దర్శకుడు శైలేశ్ కొలను .. నిర్మాత ప్రశాంతి కలిసి ఈ పాటను ఆలపించడం విశేషం. అడివి శేష్ జోడీగా మీనాక్షి చౌదరి అలరించనుండగా, ఇతర ముఖ్యమైన పాత్రలలో రావు రమేశ్ .. పోసాని .. కోమలి ప్రసాద్ కనిపించనున్నారు.

More Telugu News