Vijay: 'వారసుడు' నుంచి కలర్ ఫుల్ మాస్ బీట్ రిలీజ్!

  • విజయ్ హీరోగా రూపొందిన 'వారసుడు'
  • తెలుగు వెర్షన్ నుంచి వదిలిన సాంగ్ 
  • హుషారుగా సాగిన తమన్ బీట్
  • జనవరి 12వ తేదీన సినిమా రిలీజ్
Varasudu movie song released

విజయ్ హీరోగా తెలుగు .. తమిళ భాషల్లో వంశీ పైడిపల్లి ఒక సినిమాను రూపొందిస్తున్నాడు. తమిళంలో ఈ సినిమాకి 'వరిసు' అనే టైటిల్ ను ఖరారు చేశారు .. తెలుగులో 'వారసుడు' అనే టైటిల్ ను ఫిక్స్ చేశారు. కథానాయికగా రష్మిక అలరించనుంది. భారీ బడ్జెట్ తో దిల్ రాజు ఈ సినిమాను నిర్మిస్తున్నారు. 

కొంత సేపటి క్రితం ఈ సినిమా తెలుగు వెర్షన్ నుంచి 'రంజితమే' సాంగును రిలీజ్ చేశారు. 'బొండుమల్లె చెండూ తెచ్చా .. భోగాపురం సెంటూ తెచ్చా, కళ్లకేమో కాటుక తెచ్చా .. వడ్డాణం నీ నడుముకిచ్ఛా' అంటూ ఈ పాట నడక సాగుతోంది. తమన్ స్వరపరిచిన ఈ పాటకు రామజోగయ్య శాస్త్రి సాహిత్యాన్ని అందించాడు. అనురాగ్ కులకర్ణి - మనసి ఆలపించారు. 

జానీ మాస్టారు కొరియోగ్రఫీతో జోరుగా .. హుషారుగా సాగే ఈ పాటలో, విజయ్ డాన్స్ ఆకట్టుకుంటుంది. మరోసారి ఆయన తన ఎనర్జీ లెవెల్స్ చూపించిన పాట ఇది. గ్రాఫిక్స్ లోనే అయినప్పటికీ, కలర్ ఫుల్ ఫ్లవర్స్ నేపథ్యంలో .. కలర్ ఫుల్ గా ఈ పాటను ఆవిష్కరించారు. తమిళ మాస్ ఆడియన్స్ టేస్టుకు దగ్గరగానే ఈ పాటను ట్యూన్ చేశారనిపిస్తుంది.  జనవరి 12వ తేదీన ఈ సినిమాను విడుదల చేయనున్నారు.

More Telugu News