Bellamkonda Ganesh: 'నేను స్టూడెంట్ సర్' సాంగ్ ప్రోమో రిలీజ్!

బెల్లంకొండ గణేశ్ తన మొదటి సినిమాగా చేసిన 'స్వాతి ముత్యం' గట్టి పోటీ మధ్య థియటర్లకు వచ్చింది. ఆ కారణంగా థియేటర్ల నుంచి ఆశించినస్థాయి రెస్పాన్స్ ను రాబట్టలేకపోయినా, ఓటీటీ ఫ్లాట్ ఫామ్ పైన మాత్రం మంచి మార్కులనే సంపాదించుకుంది.

ఆ తరువాత సినిమాగా ఆయన 'నేను స్టూడెంట్ సర్' చేశాడు. 'నాంది' సతీశ్ నిర్మించిన ఈ సినిమాకి, రాఖి ఉప్పలపాటి దర్శకత్వం వహించాడు. ఈ సినిమాతో తెలుగు తెరకి కథానాయికగా 'అవంతిక' పరిచయమవుతోంది. ఆమె సీనియర్ బాలీవుడ్ హీరోయిన్ భాగ్యశ్రీ కూతురు.

మహతి స్వర సాగర్ ఈ సినిమాకి సంగీతాన్ని సమకూర్చాడు. తాజాగా ఈ సినిమా నుంచి ఒక సాంగ్ ప్రోమోను వదిలారు. 'మాయే మాయే అంతా మాయే .. నిన్నే చూడకపోతే కళ్లే తిడుతున్నాయే' అంటూ ఈ పాట సాగుతోంది. పూర్తి పాటను డిసెంబర్ 1వ తేదీన విడుదల చేయనున్నారు.