Partial Solar Eclipse: 25న పాక్షిక సూర్య గ్రహణం.. మళ్లీ 2032లోనే చూడగలం!
- ఉదయం 8.58 గంటలకు ప్రారంభం
- మధ్యాహ్నం 1.02 గంటలకు ముగింపు
- సూర్యుడు, భూమి మధ్యలోకి రానున్న చంద్రుడు
ఈ నెల 25న పాక్షిక సూర్య గ్రహణం చోటు చేసుకోనుంది. ఇలాంటి పాక్షిక సూర్యగ్రహణాన్ని మళ్లీ 2032లో కానీ చూడలేము. సూర్యుడు, చంద్రుడు, భూమి ఒకే కక్ష్యలోకి రానున్నాయి. దీంతో పాక్షిక సూర్యగ్రహణం ఏర్పడనుంది. ఈ నెల 25న ఉదయం 8.58 గంటలకు పాక్షిక సూర్యగ్రహణం మొదలవుతుంది. మధ్యాహ్నం 1.02 గంటలకు ముగుస్తుంది. కంటికి రక్షణనిచ్చే సాధనాలతో దీనిని చూడొచ్చు.
మళ్లీ పాక్షిక సూర్యగ్రహం 2025 మార్చి 29న చోటు చేసుకోనుంది. కాకపోతే దీన్ని మనం వీక్షించలేం. తిరిగి 2032 నవంబర్ 3న ఏర్పడే పాక్షిక సూర్యగ్రహణం మన దేశంలో కనిపిస్తుంది.
