Raviteja: 'ధమాకా' షూటింగ్ పూర్తిచేసిన రవితేజ!

  • ఈ ఏడాది రెండు సినిమాలు వదిలిన రవితేజ 
  • నిన్ననే పూర్తయిన 'ధమాకా' షూటింగు పార్టు
  • రేపు లిరికల్ సాంగ్ రిలీజ్ కి సన్నాహాలు 
  • సినిమాను దీపావళికి రిలీజ్ చేసే ఆలోచన
Dhamaka movie update

రవితేజ హీరోగా ఈ ఏడాది 'ఖిలాడి' .. 'రామారావు ఆన్ డ్యూటీ' సినిమాలు ప్రేక్షకుల ముందుకు వచ్చాయి. ఈ రెండు సినిమాలు కూడా ఆశించిన స్థాయిలో ఆదరణ పొందలేకపోయాయి. అయినా అంతే ఉత్సాహంతో ఈ ఏడాదిలోనే మరోసారి ప్రేక్షకులను పలకరించడానికి ఆయన రెడీ అవుతున్నాడు. 'ధమాకా' సినిమాను బరిలోకి దింపడానికి సిద్ధమవుతున్నాడు.

నక్కిన త్రినాథరావు దర్శకత్వంలో రవితేజ ఈ సినిమా చేశాడు. పీపుల్ మీడియా ఫ్యాక్టరీ వారు నిర్మించిన ఈ సినిమాలో కథానాయికగా శ్రీలీల అలరించనుంది. నిన్ననే ఈ సినిమా షూటింగు పార్టును పూర్తిచేసుకుంది. ఆ సందర్భంగా టీమ్ దిగిన ఫొటోను వదిలారు. దీపావళికి ఈ సినిమాను రిలీజ్ చేసే ఆలోచనలో ఉన్నారట. ఆ దిశగానే పనులు జరుగుతున్నాయని అంటున్నారు. 

ఇక ఈ సినిమా నుంచి రేపు ఒక లిరికల్ సాంగ్ ను రిలీజ్ చేయనున్నారు. మాస్ మసాలా సాంగ్ ను వదులుతున్నట్టుగా చెబుతూ ఒక పోస్టర్ ను రిలీజ్ చేశారు. ఈ సాంగ్ తో రవితేజ అంచనాలు పెంచేస్తాడేమో చూడాలి. ఇక ఆయన 'రావణాసుర' .. 'టైగర్ నాగేశ్వరరావు' ప్రాజెక్టులను లైన్లో పెట్టిన సంగతి తెలిసిందే.

More Telugu News