Mahesh Babu: కొత్త ఏడాది ఆరంభంలోనే రాజమౌళితో సెట్స్ పైకి మహేశ్!

  • మహేశ్ 28వ సినిమాకి సన్నాహాలు 
  • ఈ నెలలోనే మొదలుకానున్న ప్రాజెక్టు 
  • తరువాత ప్రాజెక్టు రాజమౌళితో 
  • జనవరి 26వ తేదీన లాంచ్ చేసే ఆలోచన
Mahesh Babu and Rajamoui project update

ప్రస్తుతం మహేశ్ బాబు తన 28వ సినిమా కోసం రెడీ అవుతున్నాడు. ఈ సినిమాకి త్రివిక్రమ్ దర్శకత్వం వహించనున్నాడు. ఈ ఇద్దరి కాంబినేషన్లో వస్తున్న మూడో సినిమా ఇది. ఈ వారంలోనే ఈ సినిమా రెగ్యులర్ షూటింగ్ మొదలవుతుందని అంటున్నారు. ఈ సినిమాలో మహేశ్ జోడీగా పూజ హెగ్డే అందాల సందడి చేయనుంది. 

ఆ తరువాత సినిమాను రాజమౌళి దర్శకత్వంలో మహేశ్ బాబు చేయనున్న సంగతి తెలిసిందే. ఈ సినిమా ఎప్పటి నుంచి మొదలవుతుందా అనే ఆసక్తి కూడా అభిమానుల్లో ఉంది. జనవరి 26వ తేదీన ఈ సినిమా షూటింగును లాంఛనంగా ప్రారంభించాలనే ఆలోచన చేస్తున్నట్టుగా సమాచారం. ఆ దిశ గానే పనులు జరుగుతున్నాయని అంటున్నారు.

ఇది దక్షిణాఫ్రికా నేపథ్యంలో నడిచే అడ్వెంచర్ థ్రిల్లర్ అని తెలుస్తోంది. ఈ సినిమాలో మహేశ్ లుక్ కూడా డిఫరెంట్ గా ఉండనుందని అంటున్నారు. ప్రీ ప్రొడక్షన్ పనులు .. స్క్రిప్ట్ పై కసరత్తు ముగింపు దశకి చేరుకున్నాయని చెబుతున్నారు. ఇది పాన్ ఇండియా స్థాయిలో రిలీజ్ అవుతుందనే విషయం ప్రత్యేకంగా చెప్పవలసిన పనే లేదు.

More Telugu News