Venkatroshaiah Kilari: పవన్ కల్యాణ్ బర్త్ డే వేడుకల్లో పాల్గొన్న వైసీపీ ఎమ్మెల్యే రోశయ్య

జనసేన అధినేత, ప్రముఖ నటుడు పవన్ కల్యాణ్ జన్మదిన వేడుకల్లో భాగంగా జరిగిన అన్నదాన కార్యక్రమంలో వైసీపీ ఎమ్మెల్యే పాల్గొనడం చర్చనీయాంశమైంది. గుంటూరు జిల్లా పొన్నూరు నియోజకవర్గంలోని పెదకాకాని మండలం ఉప్పలపాడులో ఈ నెల 2న అభిమానులు పవన్ కల్యాణ్ పుట్టిన రోజు వేడుకలు ఘనంగా నిర్వహించారు. 

ఈ కార్యక్రమంలో స్థానిక వైసీపీ ఎమ్మెల్యే కిలారి వెంకట రోశయ్య పాల్గొని జనసేన నాయకులతో కలిసి అన్నం వడ్డించారు. ఇందుకు సంబంధించిన ఫొటోలు తాజాగా వెలుగులోకి వచ్చి చర్చనీయాంశమయ్యాయి.